Operacionet plastike janë praktikuar që në kohërat e lashta. Ja, disa fakte interesante në lidhje me to:
1. Fjala “plastike”, në operacionet plastike, rrjedh nga fjala greke “plastikos”, që do të thotë “jap formë”.
2. Rinovimet në teknikat e kirurgjisë plastike filluan që gjatë Luftës së II Botërore. Kur numri i të plagosurve ishte shumë i madh, mjekët ishin të detyruar të improvizonin. Kjo çoi në rinovimet dhe zhvillimin e teknikave kirugjikale.
3. Në Romën e lashtë, kirurgjia plastike filloi si mënyrë për të hequr shenjat e plagëve. Njerëzit kishin frikë nga shenjat në kurriz, sepse kjo konsiderohej si diçka e turpshme dhe shenjë se personi i kishte kthyer kurrizin luftës. Ata donin që këto shenja të hiqeshin me teknika të kirurgjisë plastike.
4. Shtimi i parë i gjoksit iu bë në Gjermani një këngëtareje, së cilës i kishin hequr një gjendërr në gjoks. Për fat të mirë, ajo kishte një gungë dhjami në shpinë, të cilën ia hoqën dhe ia vunë në gjoks.
5. Operacioni i parë plastik në hundë është bërë në Indinë e lashtë, në vitin 600 p.e.s. U mor lëkura nga anë të tjera të trupit, kryesisht, te faqet e balli dhe u përdor për t’i dhënë formë hundës. Në flegrat e hundës u vunë tuba druri për të lehtësuar kalimin e ajrit gjatë procesit të rikuperimit.
6. Teknika moderne e thithjes së dhjamit me anë të tubave thithës, është përdorur në Francë, në vitin 1977, nga doktori Iv Zherar Iluz. Ai e përdori këtë ndërhyrje për herë të parë te një grua që kishte një gungë dhjami në shpinë. Kjo ndërhyrje hyri në histori meqë dhjami u hoq pa lënë shenjë në kurrizin e saj.
7. Britanikët kanë filluar t’i përdorin teknikat e kirurgjisë plastike në shekullin XVII, kur ata panë një mason indian të rregullonte hundën e një karrocieri britanik. Ata e bënë të tyren procedurën e lashtë kirurgjikale dhe i bënë disa përparime. Që nga ajo kohë, operacionet plastike janë kryer në pothuajse të gjithë Evropën.
8. Egjiptianët e kishin zakon të bënin ndryshime kirurgjikale në trupat e të vdekurve dhe jo te të gjallët. Ata vinin kocka të vogla dhe fara në hundën e të vdekurit, me qëllim që ta njihnin në botën e përtejme. Mumjet mbusheshin me fasho, me të njëjtën mënyrë siç fashohen sot.
9. Rregullimi i hundës dhe shtimi i gjoksit janë dy nga ndërhyrjet më të njohura plastike që bëhen në botë. 92% e operacioneve bëhet nga gratë dhe 8% nga burrat.
10. Kirurgu italian i shekullit të XV, Gaspare Taljakoci, mendohet të jetë babai i kirurgjisë plastike moderne.