A vuajnë kafshët nga apendisiti?

Apendisiti, sikurse dihet, është mahisja e apendiksit, shtojcës së zorrës qorre. Kjo shtojcë ndodhet vetëm në trupin e njerëzve dhe kërbishtorëve, por jo te të gjithë. Kështu, për shembull, shumë kafshë të egra, përfshi këtu edhe qentë e macet shtëpiake, nuk e kanë apendiksin. Po kështu, ai mungon te lopët dhe ripërtypësit e tjerë… Dhe, përderisa nuk ka apendiks, nuk mund të ketë as apendisit. Kuajt kanë apendiks shumë të madh dhe ai luan një rol të rëndësishëm në ripërtypjen e ushqimit, mirëpo ai është i pandarë nga pjesë tjetër e zorrës qorre, që përbën një gyp të madh ku grumbullohen deri në 30 litra ushqim. Pikërisht për këtë arsye, veterinaria nuk e njeh sëmundjen e apendisitit. Nga të gjitha kafshët e zbutura, vuajnë nga apendisiti vetëm lepujt e butë, mirëpo në praktikë, ai, vështirë të diagnostikohet. Kjo ndodh sepse edhe te njeriu ai zbulohet vetëm nga dhimbjet…