Lorik Cana: Do të bëhem baba

Pas martesës me bjonden italiane, futbollisti dhe kapiteni i kombëtares, Lorik Cana duket se po mendon seriozisht të bëhet baba. Në një intervistë dhënë për një media të shkruar, ai ka thënë me shaka se shqiptarët nuk ndalen pa pasur një djalë…. Nga kjo nënkuptohet që Loriku mesi po pret të bëhet baba, madje ai është shprehur se brenda dy viteve, shpreson ta realizojë këtë dëshirë. Kapiteni simpatik ka qenë një ndër beqarët më të lakmuar nga vajzat, derisa vendosi t’i jepte fund beqarisë në qershor të vitit të shkuar me arkitekten italiane, Monika, duke rënë në kundërshti me deklaratën e bërë pak kohë më parë, sipas së cilës do të martohej vetëm me shqiptare dhe se madje, femrën me të cilën do të kalonte jetën, e donte të virgjër. Por, ja që dashuria nuk pyet për parime dhe Monika rezultoi t’ia rrëzonte ato.