Kryeminstri, që martë ymër nga ditët tonë, për të mirën e vatanit, herë pas here na llafos për “Modelin e ri ekonomik”. Fakti që e thotë edhe në Romë, edhe në Londër, edhe në Bruksel, tregon se e ka seriozisht. Po të shtojmë se avazin ja mbajnë edhe ministrat Shkëlqim Cani dhe sidomos Arben Ahmetaj, ja vlen të investigojmë. Më lindi pyetja:
Ka qeveria ndonjë program për të “mbërthyer dhe zberthyer” modelin e ri ekonomik? Me ndihmën e internetit u “futa” në zyrat e qeverisë. Gjeta zero me xhufkë. Shëtita në ministrinë e Finacave dhe atë të Ekonomisë. “Qiqra në hell”. Duke qënë i ngeshëm, u bëra “zbor” edhe rubrikave të FMN-së, Bankës Botërore dhe BERZH. Gjeta “opingën e Sheros”?! Po dermani? Nisa të bëj “qilizëm” në programin e Partisë Socialiste. Do hapim 300 mijë vende të reja pune. Po të jetë “sakllam” kjo shifër, unë do ulërinja si vet Arkimedi: “Eureka!… Ja Modeli i Ri Ekonomik!” Po pse? Një vend pune kërkon mesatarisht 10 mije dollarë. Pra Rama duhet të gjëjë 3miliardë dollarë. “Kafshatë që nuk kapëredihet, po të kemi parsysh paratë që na dha FMN-je.
I pari që e kuptojë “gafën” e Ramës, ishte ministri i Ekonomisë Arben Ahmetaj. Kur bëri studimin për zhvillimin afat mesëm të ekonomisë ( 2014-2017) vendosi shifrën 88 mijë vende të reja pune. Në një vit i bien rreth 30 mijë vende të reja.
Ministri Veliaj shkoi më tej, kur foli në Kongresin e Konferderatës së Sindikatave: “Këtë vit janë hapur 81 mijë vende të reja pune. Askush nuk është naiv të thotë se këto vende pune janë të gjitha të reja. Nga këto vetëm cereku janë vende të reja…Një cerek kanë dale nga ekonomia e zezë edhe falë sindikatave. Cereku tjetër janë të vetpunësuar në fshat.
Vazhdojmë me taksën progresive. Ide e madhe. Po të shtojmë se Rama, këshillën e kishte marrë nga ministri I Finacave të Austrisë. Unë u binda se do të kemi një model të ri…Ecë e ec dhe Rama mori frenat e qeverisë. Taksa progresive po zbatohet vetëm mbi pagat?! Po më tej? Në valle u fut FMN-ja. Dhe taksa progresive u fut në sirtar. Tani kemi rritje 50 përqind kudo ku mund të ketë taksa ose tatime: Tatim mbi fitimin, tatim mbi intetresat bankare, tatim…
Po mirëqënia e miletit? Nuk matet me shifra. Por jep rezultat edhe në shtimin e popullsisë. Sa më i lumtur populli, aqë më shumë kalamanë. O burra? Rrëmbave programin afat mesëm të qeverisë.
Sipas programit, në vitin 2012 popullsia ishte 2.9 milionë banorë. Në vitin 2015 popullsia zbret në 2.8 milionë banorë. Ruana Zot! Sipas qeverisë shqiptarët po bëhen shterpë. Do të pjellin shumë më pak? Me llogjikën ekonomike të Ramës po bëhemi si puna e grekëve?!
