Banorët e lashtë të Skandinavisë kanë përgatitur vetë dhe kanë konsumuar pije alkoolike të ngjashme me grogun e sotëm (një pije alkoolike që përdoret në ato vise) mijëra vjet përpara erës sonë. Kështu pohojnë një grup arkeologësh në artikullin e tyre në revistën “Danish Journal of Archeology” (Lajmi u publikua edhe në sajtin e Muzeumit të Arkeologjisë dhe të antropologjisë të Universitetit të Pensilvanisë). Këto të dhëna të reja, shkencëtarët i nxorën pas gërmimeve arkeologjike në territorin e Danimarkës dhe Suedisë, duke shfrytëzuar studimet biomolekulare dhe kryesisht, të disa enëve të gjetura në varret e njerëzve të shquar të atyre kohërave. Të dhënat tregojnë se banorët e këtyre viseve kanë filluar ta përgatisin dhe ta përdorin grogun afërsisht 1500-2000 vjet përpara erës sonë. Baza teknologjike e prodhimit ka qenë fermentimi i përbashkët i mjaltit, frutave dhe i drithërave, si, fjala vjen, grurit apo thekrës.
Gjatë studimit të tyre, shkencëtarët sqaruan gjithashtu se banorët e lashtë të Skandinavisë përdornin në shkallë të gjerë gjithashtu edhe verën, të cilën e importonin nga vendet e Evropës Jugore. Si konservante për verën, gjatë udhëtimeve të largëta, tregtarët e lashtë përdornin rrëshirën e pishës…
Advertisement