Ditën e sotme, Strukturat për Krimin Ekonomik të Drejtorisë së Policisë së Qarkut Korcë, në bashkëpunim me Task Forcën pranë Prokurorisë së Gjykatës së Shkallës së Parë të po këtij qyteti, finalizuan me sukses operacioni “Butiku”.
Në kuadër të këtij operacioni, u bë i mundur arrestimi në flagrancë i shtetasit Gertian Rushi, vjec 38, banues në Korcë me detyrë Përgjegjës i Kontrollit të Terrenit në Drejtorinë e Tatimeve të Qarkut të Korcës.
Gertian Rushi, pas një hetimi 2 mujor nga Strukturat për Krimin Ekonomik, dyshohet se ka shpërdoruar detyrën, pasi favorizonte subjektet private në Qarkun e Korcës që të mos paguanin detyrimet tatimore, veprime të cilat i bënte kundrejt shumave të konsiderueshme që ju merte këtyre subjektve.
Po punohet për dokumentimin e plotë të veprimtarisë së këtij shtetasi, dhe për identifikimin e bashkëpuntorëve të tij si dhe evidentimin e të gjithë subjekteve tregtare të pa licensuara që favorizoheshin nga ky shtetas. Materialet i kaluan Prokurorisë, për veprat penale të “Shpërdorimit të detyrës” dhe “Korupsionit pasiv të punonjësve që ushtrojnë funskione publike” të parashikuara nga nenet 248 dhe 259 të Kodit Penal.