Elmazi i rrallë bojëqielli

Në minierat e Kulinanit që ndodhen 40 kilometra larg Pretorias (Afrika Jugore) e cila është pronë e kompanisë së nxjerrjes së elmazeve Pjetër Siomonds, u gjend një elmaz bojëqielli 29,6 karatësh, i cili mund të shitet në ankand 15-20 milionë dollarë. Miniera e Kulinanit ka një histori shumë të pasur. Ajo i ka falur njerëzimit gurë të çmuar shumë të bukur… Kështu, për shembull, në vitin 1905, atje u gjend elmazi i rrallë (530 karat), prej të cilit u përgatit “Ylli i madh i Afrikës”, që iu dhurua Mbretit të Anglisë, Eduardi i VII dhe që është bërë pjesë e rëndësishme e thesarit të Kurorës Angleze. Elmazi më i madh në botë, i zbuluar deri tani në këtë minierë, ka qenë i ashtuquajturi “Jubileu i artë”, prej të cilit është përpunuar një brilant i mrekullueshëm prej 545,7 karatësh.