Ata janë një ndër më simpatikët, në çiftet Vip. Po flasim për Besin dhe Xhensilën, të cilët edhe pse është verë, kanë lënë mënjanë pushimet dhe po merren me angazhimet e tyre përkatëse. Xhensila ka mbaruar xhirimet e klipit të saj më të ri, i cili do të trasnmetohet shumë shpejt, ndërsa Besi po merret me xhirimin e filmit më të ri, prodhim i Digitalb. Dhe, duke qenë se angazhimet i mbajnë larg njëri-tjetrit, Xhensila nuk e ka duruar më mallin për dashurinë e saj dhe ka vendosur t’i bëjë atij një vizitë në sheshxhirim. “Pas disa ditësh, ku malli kishte pushtuar zemrën time, i bëra një vizitë dashurisë time për t’u çmallur, në sheshxhirim. Por nuk e gjeta. Në vend të tij gjeta këtë personazhin kaq joshës saqë e harrova tjetrin komplet”, thotë ajo. Por cili është ky personazh kaq joshës që e bëri Xhensilën ta “harrojë” Besin? Duket se Besi e ka aftësinë ta bëjë Xhensilën ta dashurojë në të gjitha format dhe mënyrat e tij.
Advertisement