Megjithëse kjo praktikë është diskrete dhe tabu, është në rritje numri i çifteve që e praktikojnë. Por, ç’do të thotë të praktikosh shkëmbimin në çift?
Shkëmbimi në çift konsiston në ndërrimin e partnerëve mes dy çifteve. Kështu, gruaja ka marrëdhënie seksuale me një burrë tjetër dhe burri, me gruan e këtij. Rregulli i pranuar nga të gjithë është se ky shkëmbim aprovohet nga të dy partnerët e çdo çifti shkëmbyes. Nuk pranohen marrëdhëniet e forcës në këtë fushë, sepse respekti dhe etika kanë po aq rëndësi sa kënaqësia seksuale që sjell shkëmbimi i partnerëve. Shkëmbimi nuk niset kështu nga dëshira e vetëm njërit prej partnerëve të çiftit, por nga një dëshirë e përbashkët. Me lidhje seksuale pa të nesërme, të pranuara dhe të provuara nga çdo partner, shkëmbimi nuk vë pra në pikëpyetje të ardhmen e çiftit, përderisa është një vendim i përbashkët.
Shkëmbimi, një mënyrë jetese
Çiftet shkëmbyese takohen në klube libertine ose në forume interneti për takime private. Para se të ndërmarrin këtë hap, shumë çifte shkëmbyese shkojnë në klube për të vrojtuar. Kjo fazë parapërgatitje lejon të afirmohet dëshira e të dy partnerëve për të praktikuar shkëmbimim, pa detyruar as veten, as partnerin. Në klubet e shkëmbimit praktika është relativisht e koduar. Gjithçka fillon me një lojë shikimesh dhe gjestesh nga ana e femrës. Mund të ketë edhe lojëra lesbike. Më pas hyjnë në skenë edhe burrat. Atëherë bëhet përzgjedhja e çifteve, në marrëveshje me partnerët e tyre respektivë dhe sipas një marrëveshjeje të pashprehur. Fillojnë më pas lojërat seksuale mes katër partnerëve…
Shkëmbimi, një marrëdhënie në çift
Meqë shkëmbimi praktikohet me pranimin e të dy partnerëve respektivë, ai bëhet pjesë e jetës në çift. Çdo çift ka arsyet e veta për të eksploruar mënyra të tjera të kënaqësisë: Dëshirë për ta bërë më pikante jetën në çift, për të zbuluar forma të tjera kënaqësie, ose për të vënë në jetë fantazitë e veta. Në shkëmbim nuk ka tradhti dhe gënjeshtra, sepse gjithçka bëhet në çift. Të jesh shkëmbyes nuk do të thotë se do të ngjallësh xhelozinë e partnerit. Çifti shkëmbyes formon një duo, një skuadër dhe ky çift është më i rëndësishëm sesa kënaqësia e disa mbrëmjeve.
Cili është momenti më i mirë për të bërë dashuri, sipas moshës?
Po sikur gjithçka të ishte çështje kohe? Një ekspert i universitetit të Oksfordit ka zbuluar se është më mirë për trupin të bësh dashuri në disa orë të caktuara, në varësi të moshës.
Në mëngjes kur zgjohemi, ose pasdite, ose në darkë, pas një dite të lodhshme pune, ka medoemos një moment kur epshi ynë është në kulmin e tij. Secili nga ne është i ndryshëm, në funksion të ritmit të jetës që bëjmë, ose thjesht, të zakoneve tona të vogla të përditshme, por Doktor Kelli, ekspert gjumi i universitetit të Oksfordit, ka një teori, të cilën e ka shpjeguar në gazetën “Daily Mail”. Ora jonë biologjike ndryshon gjatë gjithë jetës sonë: Ka një kohë për gjithçka; të flesh, të hash, të bësh sport dhe të kesh marrëdhënie seksuale. Kjo orë, sipas tij, ndryshon në varësi të moshës së personit. Atëherë cila është ora më e mirë për të provuar kënaqësitë e mishit?
Në moshën 20 vjeçare: Ora 15.00
Kjo është mosha kur libidoja është më elastike, por doktor Kelli këshillon në fillim të pasdites sepse në këtë orë, 20 vjeçarët ndihen më energjikë.
Në moshën 30 vjeçare: Ora 08.20
Një jetë aktive, fëmijë të vegjël… Më mirë të bëni seks në mëngjes, kur zgjoheni dhe ta filloni ditën mbarë.
Në moshën 40 vjeçare: Ora 22.20
Ora kur seksi ka më shumë shans t’ju relaksojë. Çlirimi i oksitocinës (hormonit të dashurisë) nxit çlodhjen. Kështu, do të flini gjumë të rehatshëm.
Në moshën 50 vjeçare: Ora 22.00
Pak më herët se në moshën 40-vjeçare. Me ditët e mbushura plot, trupi ka nevojë të rimarrë forcat.
Në moshën 60 vjeçare dhe më shumë: Ora 20.00
Kur del në pension, ke më shumë kohë në dispozicion, ngrihesh më herët nga gjumi, bën gjumë në drekë dhe përfiton për të bërë seks para, ose pas darkës (së lehtë).